Bedrijfscontrole
E departamento aki ta atende cu dunado di trabao na momento cu nan entrega cualkier peticion na DPL, sea pa entre otro vacatura of pa advies roelating arbeidsmarkt. E Bedrijfcontroleurs nan ta bay haci inspeccion na e dunado di trabao, pa asina haci un control na pia di trabao. Tur departamento interno den DPL ta of por haci un peticion na Bedrijfscontrole pa laga haci un control. E Bedrijfscontroleur ta traha un rapport por escrito y ta entreg’e na e departamento concerni den DPL pa asina traha mas obhetivamente posibel. Bedrijfscontrole tambe ta forma parti di DPL su proteccion na nos mercado laboral pa medio di su maneho estricto riba e tereno di control di companianan cu ta pasa procedura na DPL.
Na momento cu un dunado di trabao haci cualkier peticion na DPL e no por nenga un control di Bedrijfscontrole. Na momento cu nenga esaki of stroba e trabao di control necesario, su procedura ta wordo para y DPL lo comunica esaki na e dunado di trabao, esta cu su procedura no lo continua. Na momento cu un dunado di trabao haci uzo di un representante autorisa manera por ehempel un consultant, DPL lo comunica unicamente cu e dunado di trabao.
