Arbeidsmarktregistratie
“AMR”
AMR ta un departamento di DPL cu ta atende unicamente cu dunado di trabao pa locual ta trata proyeccion entre demanda y suministro laboral pa e proximo aña. Esaki ta sumamente importante pa asina DPL por traha di antemano conhuntamente cu scolnan, institutonan di educacion y dunadonan di trabou pa asina por produci y ofrece suficiente trahadonan local.
, AMR ta enfoca riba e necesidad di dunado di trabao riba nos mercado laboral pa e aña siguiente. Ta haci esaki a base di un formulario cu mester wordo yena pa e dunado di trabao cu anualmente mester wordo entrega na AMR. Sin e formulario aki aproba, un dunador di trabao no por haci e procesonan conforme maneho, na e otro departamentonan den DPL.
Pa locual ta trata rekisitonan exigi pa entrega un Arbeidsmarktregistratie. tur esakinan ta poni riba e prome pagina di e formulario estilo “checklist”. E dunador di trabao mester cumpli cu tur e puntonan corespondiente na su sector laboral pa asina por entrega e formulario y haya aprobacion despues.
E formulario aki disponibel tambe riba e website aki na e seccion di “Formularionan” caminda cu un y tur por subi y download e formulario di AMR cu ta cuadra cu su necesidad mirando cu tin cuatro diferente sorto di formulario di AMR, esakinan ta reparti den sectornan laboral manera Horeca, General, Limpiesa-Hardineria-Seguridad y Construccion.
Pa por entrega e formulario di AMR mester haci un cita online prome. AMR ta mantene un database di informacion cu ta esencial pa yuda traha of adapta manehonan existente riba e tereno laboral si ta necesario.
