Tips Entrevista Laboral

Tipsnan practico

Entrevista Laboral: Bo por bin na remarke pa un entrevista laboral despues di a registra bo mes na DPL cu un identificacion valido (Cedula of papel di Censo fl.5,-) of despues di a solicita rib abo mes na un dunador di trabao.
DPL ta intermedia pa bo persona haya un entrevista laboral, e dunador di trabao ta avisa DPL riba ki dia y orario bo persona mester acudi pa un entrevista laboral. Corda cu tur entrevista laboral ta diferente y ta diferencia pa cada ramo di trabao. Locual ta comun ta e meta, cual ta pa yega na e mihor candidato (nan) pa e funcion/trabao.

• Prome cu e entrevista laboral semper busca mas informacion di e compania/organisacion (orienta bo mes via; google, facebook);
• Semper lesa e advertencia/exigencianan un biaha mas prome cu e entrevista;
• Percura pa bo ta 15 minuut adelanta pa evita di yega laat (prome impresion);
• E prome 3 minuut nan di bo entrevista ta crucial, percura pa bo presenta bo mes bon;
• No falta respet pa bo ultimo dunador di trabao (den caso di mal experencia);
• Haci preguntanan alcaso of cu tin di haber cu e funcion cual abo ta solicita pe;
• Mustra bo interes y animo positivo pa e funcion desea;
• No haci uzo di palabranan vulgar (malo) den e combersacion;
• Demasiado jokes, wega lo por ilustra abo como un hende cu No ta serio;
• Pone bo telefoon na silencio y laga esaki den bo tas/saco;
• Bisti apropia pa bo entrevista, no demasiado sexy, mester ta strika, limpi y formal;
• Percura pa bo ta pela, feita, peña y si bo tin piercings preferibelmente kita esakinan;
• Wak e persona den su cara ora di comunica (eye contact);
• No acudi cu mucha/pareha na bo entrevista;
• Semper saluda tur presente cu un handshake firme;
• Na final semper gradici pa e oportunidad pa un entrevista;