Tips pa traha bo carta di solicitud

Tipsnan practico

  • Bo carta no mester ta mas largo cu 1 pagina y mei (1½) di A4;
  • Escohe semper un letter/fonts cu ta comprendibel (Arial/Book Antigua);
  • Preferibelmente uza size di letter/fonts 12;
  • Semper dirigi bo carta na un persona specifico, den caso cu bo no tin un nomber semper bo por yama puntra of check online;
  • Ta amabel y respetuoso den bo forma di expresa por escrito (“apreciabel”);
  • Bo meta principal ta pa bo haya un invitacion pa un entrevista laboral despues di e carta;
  • Bo ta cuminsa na referi na e advertencia publica y despues introduci bo mes;
  • Mustra interes den e compania of producto di e compania of organisacion concerni;
  • Despues di e introduccion bo ta amplia mas ariba bo peticion/solicitud;
  • E palabra “ami” no ta prohibi pero purba di no uze mucho den bo carta;
  • Esun cu ta lesa bo carta mester haya interes den Abo como solicitante (bo specialidadnan cu bo tin pa ofrece);
  • Despues di cada pida/parti (introduccion etc) laga un alinea habri;
  • Referi na bo CV pa mas informacion relaciona cu estudio, experencia y abilidadnan;
  • Na final semper pone bo nomber completo bao di bo firma;
  • Un alinea ariba di bo nomber (net bao di bo firma) mester tin un strepi largo suficiente pa cubri e largura di bo nomber;
  • Semper duna suficiente informacion di contacto;
  • Percura pa no tin erornan den bo carta (repase 2x) ;